This post is in Swiss German for obvious reasons.
I han chrüzlech so ne ultra-cooli Mac-Alu-Taschtatur übercho. En Mac-Mini hani scho, aber MacOS hani ned wölle... Ubuntu funktioniert rächt guet uf Mac-Hardware. Die folgendi Aaleitig sött aber ou for Mac-Taschtature a nid-Macs funktioniere.
Mac-Tastatur aschliesse: d'Helfti vo de Taschte sind falsch beleit. Compi unbruchbar.
Ubuntu> sudo dpkg-reconfigure keyboard-configuration
-> "Generische PC-Tastatur mit 105 Tasten (Intl)"
-> Swizerland
-> Switzerland - Deutsch (Schweiz, Macintosh)
-> Der Standard für die Tastenbelegung
-> Keine Compose-Taste
Denn neu boote (Login isch ned gnueg).
Erklärig: De Trick isch die erschti Iischtellig "Generischi 105-Taschte", und nid öppe "Macintosh", wie me jo vermuete chönnt.
Jetzt chunnt no d'Fiinarbet.
Es sind no zwöi Taschte vertuuscht: Paragraph/Grad linggs obe, und grösser/chliner linggs unde. Die chamer zom Biispil so tuusche:
echo "keycode 49 = less greater less greater lessthanequal greaterthanequal lessthanequal" >> .Xmodmap
echo "keycode 94 = section degree section degree NoSymbol NoSymbol NoSymbol NoSymbol section degree NoSymbol NoSymbol section degree" >> .Xmodmap
echo /usr/bin/xmodmap $HOME/.Xmodmap >> .xinitrc
Jetz sind alli Symbol uf de richtige Taschte. Leider sind aber nid alli aagschribe. Als Programmierer fähled mir do extrem wichtegi Symbol wie: gschweifti und eggigi Chlammere, Backslash, Tilde usw.
Mit Mac-Benutzer diskutiere nützt nüt. Die findet das guet. Sie chönnd ihre Taschte usswändig und findet, wer das nid chönn, söll sich doch en PC choufe, oder wenigschtens e Logitech-Taschtatur. Mac-User sind e Ploog.
Ich ha drum en wasserunlösliche Folieschriiber gnoh und folgendi Taschte annotiert:
N: Tilde
S: Doppel-S ("esszett")
3: Gartehaag
5: offni eggigi Chlammere
6: gschlossni eggigi Chlammere
7: sänkrächte Strich (unde), Backslash (obe)
8: offni gschweifti Chlammere
9: gschlossni gschweifti Chlammere
fn: Insert
Pfiil lings ufe: Home
Pfiil rächts abe: End
Jetz isch die Taschtatur einigermasse bruuchbar, wemme sich merkt, dass me die undere Symbol mit der rächte "alt"-Taschte erreicht, die obere Symbol mit rächts-alt-Shift.
S'isch echli blöd, dass me für eis vo de meischtbenützte Symbol, de Backslash, grad drüü Taschte gliichziitig trücke mues. Vilich mach ich mer do schpäter ou no en "modmap".
Wiitere Knackpunkt: alt-Space macht nid öppen es normals Läärzeiche wie die normal PC-Taschtatur, sondern es Unicode-Läärzeiche, wo uusgseeht wienes normals, aber imene Programm-File zum Biischpil es Riesen-Unheil aarichte chann:
> file prog.c
prog.c: C source, UTF-8 Unicode text
Das git Ärger. Such die Ziile mitem Unicode-Läärzeiche:
> grep -P "[\x80-\xFF]" prog.c
und ersetzes
> vi prog.c
> file prog.c
prog.c: C source, ASCII text
grettet!
